Kjör forseta Íslands 25. júní 2016

Kjörtímabil forseta Íslands rennur út 31. júlí 2016. Í samræmi við lög skal forsetakjör fyrir næsta fjögurra ára tímabil fara fram laugardaginn 25. júní 2016. Hér á vefnum má m.a. finna leiðbeiningar fyrir kjósendur um framkvæmd kosninganna, helstu dagsetningar, kosningarétt og fleira.

Uppfletting í kjörskrá

Kjósendur geta kannað hér á vefnum hvort og þá hvar þeir eru á kjörskrá við forsetakosningarnar 25. júní.

Atkvæðagreiðsla utan kjörfundar á kjördag 25. júní

Á vef sýslumanna má sjá hvert kjósendur snúa sér til að greiða atkvæði utan kjörfundar á kjördag. Þeir sem það gera annars staðar en í Reykjavík verða sjálfir að sjá til þess að atkvæði þeirra komist í kjördeild í því kjördæmi þar sem þeir eru á kjörskrá.


Fréttir

Aukin þjónusta við atkvæðagreiðslu utan kjörfundar - 4.8.2016

Aukið var verulega við þjónustu við þá sem kjósa vildu utan kjörfundar hér á landi í aðdraganda forsetakosninganna 25. júní síðastliðinn. Atkvæðagreiðsla utan kjörfundar fór fram hjá sýslumannsembættum um land allt. Fækkun embættanna hafði engin áhrif á þjónustu þeirra, enda eru afgreiðslustaðir sýslumanna eftir sem áður jafnmargir. Lesa meira

Um 20 þúsund heimsóttu kosning.is á kjördag - 27.6.2016

Kosningavefurinn var mikið heimsóttur í aðdraganda forsetakosninganna og á kjördag, 25. júní. Alls komu ríflega 40.000 gestir inn á vefinn síðustu vikuna fyrir kosningar, þar af tæplega 20 þúsund á kjördag, samkvæmt talningu Google Analytics. 

Lesa meira

Allar fréttir